कराड प्रतिनिधी | सातारा जिल्ह्यातील आठ विधानसभा मतदार संघातील १०९ उमेदवारांच्या मतमोजणीस सुरुवात झाली आहे. दरम्यान कराड दक्षिण आणि कराड उत्तर विधानसभा मतदार संघात प्रथम पोस्टल मतमोजणीस सुरुवात करण्यात आली असून यात कराड उत्तर मधून राष्ट्रवादी शरदचंद्र पवार गटाचे नेते बाळासाहेब पाटील आघाडीवर आहेत तर कराड दक्षिणमधून डॉ. अतुल भोसले 2400 मतांनी आघाडीवर आहेत. दरम्यान, नुकतीच पहिली फेरी देखील पूर्ण झाली असून या फेरीमध्ये डॉ. अतुल भोसले यांना 8461 मते मिळाली असून माजी मुख्यमंत्री पृथ्वीराज चव्हाण यांना 6971 मते पडली आहेत.
कराड उत्तर विधानसभा मतदारसंघाच्या मतमोजणीसाठी विविध १४ पथके स्थापन करण्यात आली असून १४ टेबलावरून मतमोजणी केली जाते आहे. तर कराड दक्षिण विधानसभा मतदार संघाची मतमोजणी 20 टेबलवरून 17 ते 18 राउंड मध्ये केली जात आहे.
कराड उत्तर विधानसभा निवडणुकते भाजप महायुतीकडून मनोज घोरपडे तर महाविकास आघाडीकडून बाळासाहेब पाटील निवडणुकीच्या रिंगणात आहेत. तर कराड दक्षिण मधून काँग्रेस महाविकास आघाडीकडून पृथ्वीराज चव्हाण तर भाजप महायुतीकडून डॉ. अतुलबाबा भोसले निवडणुकीत उभे आहेत. दरम्यान या दोन्ही मतदार संघाच्या निवडणुकीच्या मतमोजणीला थोड्या वेळापूर्वीच सुरुवात करण्यात आली आहे.