कराड प्रतिनिधी | संतोष गुरव
कोयना धरणाच्या पाणलोट क्षेत्रात पावसाचा जोर वाढल्यामुळे काल मंगळवारी सकाळी धरणाचे सहा वक्री दरवाजे दीड फुटांनी उचलून प्रतिसेकंद 3 हजार 400 क्युसेक तर धरणाच्या पायथा वीजगृहातून वीजनिर्मिती करून 2,100 असे एकूण 5,500 क्युसेक पाणी कोयना नदीपात्रात सोडण्यात आले होते. त्यानंतर आज बुधवारी पुन्हा दुपारी 12 वाजता कोयना धरणाचे सहा वक्र दरवाजे 1 फूट 6 इंचांवरून 3 फुट उघडून 8000 क्युसेक तरच नेहमीच 2100 असा एकूण 10100 विसर्ग कोयना नदीपात्रात सोडण्यात येणार आहे. कोयना धरणात सध्या 77.26 TMC इतका पाणीसाठी झाला आहे.
कोयना धरणातील आजचा पाणीसाठा, धरणाच्या पाणलोट क्षेत्रातील पाऊस, धरणामध्ये येणारा येवा आणि उर्वरित मान्सून कालावधी विचारात घेता कोयना जलाशय परिचलन सूचीनुसार धरणातील पाणीपातळी नियंत्रित ठेवण्यासाठी धरणातून पाणी सोडणे आवश्यक आहे. या अनुषंगाने आजही धरणातून पाण्याचा विसर्ग करण्याचा निर्णय घेण्यात आला आहे.
कोयना धरण पायथा विद्युतगृहाचे दोन्ही युनिट सुरू असून त्याद्वारे 2100 क्युसेक्स विसर्ग सुरू आहे. कोयना नदीमध्ये एकूण 10100 क्युसेक विसर्ग सुरू होणार असून नदीकाठच्या गावांना सतर्कतेचा इशारा देण्यात येत आहे.
गतवर्षी 25 तर यावर्षी काल आणि आज पाण्याचा विसर्ग
गतवर्षी 15 जुलैनंतर अचानक पावसाचा जोर वाढला, त्यानंतर 25 जुलैपासून धरणाच्या सहा वक्री दरवाजातून पाणी सोडण्यात आले होते. यावर्षी मे महिन्यापासून पावसाला सुरुवात झाली तो अद्यापही कायम आहे. मागील चार-पाच दिवसांत पावसाचा जोर कमी झाला होता; मात्र सोमवारपासून तो पुन्हा वाढला आहे. यावर्षी 15 जुलैपासूनच धरणातून विनावापर पाणी सोडण्यास सुरुवात झाली आहे. तर आजही पाणी शोधण्याचा निर्णय घेण्यात आला आहे.
Koyna Dam
Date: 16/07/2025, 8:00 AM
Water level: 2138’01”
(651.688m)
Gross Storage : 77.26 TMC (73.41%)
Inflow : 26,408 Cusecs.
(2.28 TMC)
Discharges-
KDPH : 2100 Cusecs.
Radial Gate: 3400 Cusecs.
Total Discharge: 5500 Cusecs.
Rainfall in mm-
(Daily/Cumulative)
Koyna- 44/2374
Navaja- 84/2286
Mahabaleshwar- 131/2349
