सातारा प्रतिनिधी | सातारा जिल्ह्यातील फलटण ग्रामीण भागात 17 जानेवारी रोजी रात्री 08:00 वाजता एक महत्त्वाची घटना घडली. ज्यामध्ये जनावरे कत्तलीसाठी वाहतूक करणारे दोघे आरोपी पोलीस ताब्यात आले. या घटनेत सौरभ सोनवले व त्याचे मित्र दुधेबावी रोडवरून जात असताना एक पिकअप गाडी (क्रमांक एम. एच 45 / ए. एफ. 2117) दिसली, ज्यामध्ये जनावरे अवैधपणे वाहतूक केली जात होती.
याबाबत अधिक माहिती अशी की, सौरभ सोनवले व त्याचे मित्र यांनी त्वरित पोलीस मदत मागितली व आरोपींना ताब्यात घेण्यात महत्त्वपूर्ण भूमिका बजावली. आरोपी रियाज मौला शेख व हसन बालेखान शेख यांना पोलीस ठाण्यात आणून फिर्याद दाखल करण्यात आली. सहा. पोलीस फौजदार एक्के यांनी दोन पंचांचे समक्ष जप्त केलेल्या जनावरे व पिकअप वाहनाची ताब्यात घेतले.
आरोपींकडून 1 जर्शी गाय व 2 गीर जातीच्या गायी जप्त केल्या गेल्या. या जनावरांची वाहतूक महाराष्ट्र पशु संरक्षण अधिनियम, 1976 कलम 9, प्राण्यांचा छळ प्रतिबंधक अधिनियम, 1960 कलम 11, मोटरवाहन अधिनियम, 1988 कलम 83, 50(3) अन्वये अवैध होती. आरोपींकडून पांढरे रंगाचे पिकअप वाहन जप्त करण्यात आले व त्यांना पोलीस ताब्यात घेण्यात आले. महाराष्ट्र पशु संरक्षण अधिनियम, प्राण्यांचा छळ प्रतिबंधक अधिनियम व मोटरवाहन अधिनियम अन्वये आरोपींविरुद्ध कारवाई सुरू करण्यात आली आहे.
