सातारा प्रतिनिधी | शाहूपुरी पोलिस ठाणे हद्दीतून नागरिकांचे गहाळ झालेले सुमारे 10 लाख 50 हजार रुपये किंमतीचे 42 मोबाईल शाहुपूरी गुन्हे प्रकटीकरण शाखेकडून मूळ मालकांना परत करण्यात आले आहेत.
शाहुपूरी पोलिस ठाणे हद्दीमध्ये मोबाईल गहाळचे प्रमाण वाढले होते. वरिष्ठांच्या सूचनेनुसार गुन्हे प्रकटीकरणचे पोलिस अधिकारी कुमार ढेरे व पोलीस अंमलदार यांनी नागरिकांचे हरवलेले मोबाईलचा शोध सुरू केले. सीईआयआर पोर्टल व इतर तांत्रिक माहिती मिळवत महाराष्ट्रासह व इतर राज्यातील मोबाईल मिळालेल्या लोकांशी संपर्क करुन गहाळ झालेले 42 मोबाईल हस्तगत केले.
या पोलिस अंमलदार सुरेश घोडके, मनोज मदने, निलेश काटकर, जोतीराम पवार, महेश बनकर, अभय साबळे, सचिन पवार, स्वप्निल सावंत, स्वप्निल पवार, सुमित मोरे, संग्राम फडतरे, महेश पवार, प्रशांत मोरे यांनी सहभाग घेतला.
