सातारा प्रतिनिधी । शाहुपूरी गुन्हेप्रकटीकरण शाखेच्या वतीने आज मोळाचा ओढा ते बुधवार नाका जाणाऱ्या मार्गावर अवैध दारू वाहतुकीवर धडक कारवाई करण्यात आली. यावेळी पथकाच्या वतीने अटक करत सुमारे 63 हजार 865 रुपये किमतीचा मुद्देमाल हस्तगत करण्यात आला.
याबाबत पोलिसांकडून मिळालेली माहिती अशी की, शाहूपुरी पोलीस ठाणे हद्दीत अवैध दारु व्यवसायांवर कारवाई करणेबाबत पोलीस अधिक्षक समीर शेख, अपर पोलीस अधिक्षक डॉ. वैशाली कडुकर, उपविभागीय पोलीस अधिकारी श्री. राजीव नवले यांनी शाहुपुरी पोलीस ठाणेचे पोलीस निरीक्षक श्री. राजेंद्र सांवत्रे यांना सुचना दिलेल्या होत्या. शाहुपुरी पोलीस ठाणेचे पोलीस निरीक्षक श्री. राजेंद्र सांवत्रे यांचे मार्गदर्शनाखाली शाहुपुरी गुन्हे प्रकटीकरण शाखेच्या पथकाचे काम चालु होते. आज दि.09 रोजी शाहुपुरी पोलीस ठाणेचे पथक पोलीस ठाणे हद्दीत अवैध धंद्यांवर कारवाई कामी पेट्रोलिंग करत असतांना पो.नि. राजेंद्र सावंत्रे यांना त्यांचे बातमीदारा मार्फत बातमी मिळाली की, मोळाचा ओढा ते बुधवार नाका जाणारे रोडवर एक काळे रंगाचे मोपेड मोटारसायकल वरुन अवैध विदेशी दारुची वाहतुक होणार आहे.
मिळालेल्या माहिती प्रमाणे गुन्हेप्रकटीकरण शाखेने मोळाचा ओढा रोड वर सापळा रचला. त्यानंतर दुपारचे सुमारास मिळाले बातमी प्रमाणे एक काळे रंगाची मोपेड मोटार सायकल मोळाचा ओढा चौका जवळील जगदंब पान शॉप दुकाना समोर आलेवर पोलीसांनी सदर गाडीचा पाठलाग करुन गाडी थांबवली. तेव्हा पोलीसांनी सदरच्या मोटारसायकलची तपासणी केली असता त्यावर निळया रंगाच्या पिवशीमध्ये विविध विदेशी ब्रँडच्या दारुच्या बाटल्या असल्याने पोलीसांनी मोटार सायकली वरील इसमांस ताब्यात घेवुन विचारपुस केली असता चालक हे दारुची चोरटी विक्री करणेसाठी विदेशी दारुची बेकायदा बिगरपरवाना वाहतुक करत असल्याचे निष्पन्न झाले.
त्यांचे कडुन विदेशी दारुचा माल व वाहतुकीसाठी वापरलेले वाहन असा एकुण 63 हजार 865 रुपये किमतीचा मुद्देमाल जप्त करणेत आला. तसेच दुचाकी चालकावर शाहुपुरी पोलीसांनी दारुबंदी कायद्यान्वये गुन्हा दाखल करुन त्यांचे विरुद्ध कारवाई केली आहे. सदरची कारवाई पोलीस अधीक्षक समीर शेख, सातारा, अपर पोलीस अधिक्षक डॉ. वैशाली कडूकर, उपविभागीय पोलीस अधिकारी श्री. राजीव नवले यांचे मार्गदर्शनाखाली पोलीस निरीक्षक राजेंद्र सांवत्रे, गुन्हे प्रकटीकरण शाखेचे पो.उप.नि कुमार ढेरे, पोहवा सुरेश घोडके, मनोज मदने, निलेश काटकर, महेश बनकर, पो.ना. अभय साबळे पो. कॉ. सचिन पवार, स्वप्निल सावंत, सुमित मोरे संग्राम फडतरे यांनी केली आहे.