पावसाचा जोर झाला कमी; कोयना धरणात ‘इतका’ टीएमसी झाला पाणीसाठा

पाटण प्रतिनिधी | सातारा जिल्ह्याच्या पश्चिम भागात पावसाचा जोर कमी झाला असून २४ तासांत कोयनेच्या सर्वाधिक २२ मिलीमीटरची नोंद झाली. तर यावर्षी आतापर्यंत सर्वाधिक पर्जन्यमान नवजाला २ हजार ३५६ मिलीमीटर झाले आहे. कोयना धरणात ४३.३९ टीएमसी इतका पाणीसाठा निर्माण झाला आहे.

जिल्ह्याच्या पश्चिम भागात जून महिन्याच्या तुलनेत जुलैमध्ये पावसाचे प्रमाण चांगले राहिले. कास, बामणोली, नवजा, कोयना, महाबळेश्वरसह कांदाटी खोऱ्यात पाऊस पडत आहे. तरीही या पावसात सातत्य नाही. कधी पावसाचा जोर राहतो. तर काहीवेळा उघडझाप सुरू असते. त्यातच चार दिवसांपूर्वी दमदार पाऊस झाला होता. मात्र, त्यानंतर पावसाचे प्रमाण कमी होत गेले. सध्या तुरळक ठिकाणी पावसाची हजेरी आहे. त्यामुळे धरणातील साठ्यात अपेक्षित वाढ झालेली नाही.

बुधवारी सायंकाळीपर्यंतच्या २४ तासांत कोयनानगर येथे फक्त २२ मिलीमीटर पाऊस पडला. तर नवजाला १८ मिलीमीटरची नोंद झाली आहे. एक जूनपासूनचा विचार करता कोयनानगरला आतापर्यंत २ हजार २३ मिलीमीटर तर महाबळेश्वर येथे १ हजार ८१४ मिलीमीटर पाऊस पडला. यंदा महाबळेश्वरच्या पावसाचे प्रमाण कमी आहे. तर कोयना धरणक्षेत्रातही पावसाचा जोर कमी झाला आहे.

Koyna Dam

Date: 17/07/2024
Time: 05:00 PM
Water level: 2099’06” (639.928m)

Dam Storage :
Gross: 43.39 TMC (41.23%)
Live: 38.27 TMC (38.22%)

Inflow : 9,475 Cusecs.

Discharges

KDPH: 00 Cusecs.
Total Discharge in koyna River: 00 Cusecs

Rainfall in mm- (Daily/Cumulative)

Koyna- 22/2023
Navaja- 18/2356
Mahabaleshwar- 10/1814