सातारा प्रतिनिधी । सातारा जिल्ह्यातील आठ विधानसभा मतदार संघात सकाळी सात वाजल्यापासून ते सायंकाळी पाच वाजेपर्यंत चांगल्या प्रकारे मतदान पार पडले. फलटण – कोरेगाव विधानसभा मतदारसंघातील सर्व मतदान केंद्रावर मतदान चांगल्या प्रकारे पार पडले. दरम्यान, फलटण – कोरेगाव विधानसभा मतदारसंघात वेब कॅमेराच्या माध्यमातून मतदान प्रक्रियेवर नजर ठेवण्यात आली होती.
फलटण – कोरेगाव विधानसभा निवडणूक कार्यालयामध्ये तसेच परिसरता कोणताही अनुचित प्रकार याची प्रशासनाकडून विशेष खबरदारी घेण्यात आली होती. या पार्श्वभूमीवर वेब कास्टिंगच्या माध्यमातून विधानसभा मतदारसंघातील मतदान केंद्रावर, मतदान केंद्राच्या बाहेर आणि मतदान केंद्राच्या आत वेब कॅमेऱ्याच्या माध्यमातून मतदान प्रक्रियेवर नजर ठेवण्यात आली.
फलटण – कोरेगाव विधानसभा मतदरसंघामध्ये सायंकाळी 5 वाजेपर्यंत 63.01% मतदान पूर्ण झाले असल्याची माहिती निवडणूक निर्णय अधिकारी सचिन ढोले यांनी दिली.