सातारा प्रतिनिधी | फलटण बसस्थानक येथे मतदान जागर पथनाट्यद्वारे मतदान जनजागृती व मतदान प्रतिज्ञा घेण्यात आली. यावेळी सहाय्यक मोटार वाहन निरीक्षक अक्षय ईश्वरे, नोडल अधिकारी स्वीप फलटण सचिन जाधव उपस्थिती होते.
यावेळी नोडल अधिकारी फलटण यांनी मतदान बुधवार दि 20 नोव्हेंबर 2024 रोजी सकाळी ७ ते सायं. ६ दरम्यान मतदान करण्यासाठी घराबाहेर पडून हक्क बाजवण्याबाबत आवाहन केले. जागरूक मतदार होऊन लोकशाही बळकटीसाठी मतदान करण्यासाठी वेळ काढा तसेच ‘मतदान कर 100 टक्के फलटणकर’ सांगून मतदान प्रक्रियेमध्ये सहभागी होण्यासाठी आवाहन केले.
मेंढपाल मतदारामध्ये मतदान जनजागृती
वडजल ता फलटण येथे मेंढपाल मतदारामध्ये मतदान जनजागृती यावेळी मतदानाचे महत्त्व विशेष करून उत्सव निवडणुकीचा अभिमान देशा चा या उत्सवामध्ये सहभागी होऊन आपले मतदान बुधवार दिनांक 20 नोव्हेंबर 2024 रोजी असून मतदान हक्क बजावून या निवडणूक उत्साहामध्ये सहभागी होणे बाबत आवाहन नोडल अधिकारी स्वीप फलटण सचिन जाधव यांनी केले.