कराड प्रतिनिधी । राज्यातील निवडणुकांच्या रणधुमाळीला जोरदार प्रारंभ झाला आहे. पंतप्रधान नरेंद्र मोदी, गृहमंत्रीअमित शाह, केंद्रीय मंत्री नितीन गडकरी यांच्यासह मान्यवर नेत्यांच्या प्रचारसभांचा धडाका महाराष्ट्रात सुरु होत आहे. दरम्यान, राज्यातील विधानसभा निवडणुकीच्या पार्श्वभूमीवर केंद्रीय गृहमंत्री तथा सहकारमंत्री अमित शाह शुक्रवारी कराडच्या दौऱ्यावर येत आहेत. विंग येथील आदर्श विद्यामंदिराच्या भव्य पटांगणावर अमित शाह यांची तोफ धडाडणार आहे.
भाजपा, शिवसेना, राष्ट्रवादी काँग्रेस, आर.पी.आय. व मित्रपक्षांच्या महायुतीचे कराड दक्षिणमधील उमेदवार डॉ. अतुलबाबा भोसले यांच्या प्रचारार्थ कराड तालुक्यातील विंग येथील आदर्श विद्यामंदिराच्या पटांगणावर शुक्रवारी सकाळी ११.३० वाजता भव्य जाहीर सभेचे आयोजन करण्यात आले आहे.
या सभेत केंद्रीय गृहमंत्री अमित शाह उपस्थितांना संबोधित करणार आहेत. याप्रसंगी सभेच्या व्यासपीठावर जिल्ह्यातील विविध मान्यवरांची मोठी उपस्थिती असणार आहे. दरम्यान, केणेंद्रिय मंत्री अमित शाह विंगच्या जाहीर सभेत नेमकं काय बोलणार याकडे सर्वांचे लक्ष लागून राहिले आहे.