सातारा प्रतिनिधी | अयोध्येतील श्रीरामाच्या मूर्तीची स्थापना 22 जानेवारी रोजी अयोध्या नगरीत मोठ्या दिमाखात श्रीरामाची मुर्ती स्थापन करण्यात येणार आहे. त्या अनुषंगाने देशभरात श्रीरामचा कलशरथ प्रत्येक गावोगावी, प्रत्येक कुटुंबात भेट देत आहे. यानिमित्ताने वरकुटे मलवडी, ता. माण येथे श्रीप्रभु रामाची अक्षदा व पत्रिका वाटप करण्यात आले.
वरकुटे मलवडी परिसरातील रामभक्त प्रत्येक कुटुंबात जाऊन श्रीप्रभु रामाची अक्षदा व पत्रिका वाटत करताना आपणाला पहायला मिळत आहे. याच अनुषंगाने वरकुटे मलवडी गावातील श्री राम मंदिरात अक्षदा व पत्रिका माजी सरपंच रामचंद्र नरळे यांच्या हस्ते वाटप करण्यात आले.
यावेळी सरपंच विलास खरात, नागेश पोळ, सागर खरात, पोपट धावडे, दादा जाधव, महादेव नरळे, सागर गाढवे, सुमन आटपाडकर, अमित मोडासे, अमर जगताप, वसंत पिसे, मुरलीधर नरळे यावेळी बहुसंख्येने रामभक्त उपस्थित होते.