सातारा प्रतिनिधी | सातारा तालुक्यातील आरळे येथून अज्ञात चोरट्याने दुचाकी चोरुन नेल्यानंतर तालुका पोलिस ठाण्यात गुन्हा दाखल होताच अवघ्या चार तासात पोलिसांनी संशयिताला अटक केली. तसेच त्याच्याकडून चोरी केलेली दुचाकी देखील जप्त केली. ही कारवाई सातारा तालुका व बोरगाव पोलिसांनी केली.
रामचंद्र विश्वास जाधव (वय ३६, रा. डोळेगाव पो. वेचले ता. सातारा) असे अटक केलेल्या संशयिताचे नाव आहे. याबाबत अधिक माहिती अशी, तालुका पोलिस ठाण्यात दि. २२ फेब्रुवारी रोजी सचिन बबन चव्हाण (रा. आरळे ता. सातारा) यांनी आरळे गावचे हद्दीतील कृष्णा नदीकाठ परिसरातून त्यांची (MH 11 DQ 8489) या क्रमांकाची दुचाकी चोरुन नेली.
याबाबात अधिक माहिती अशी की, दुचाकी चोरीबाबत सातारा तालुका पोलिस ठाण्यात फिर्याद दाखल झाल्यानंतर पोलिसांनी तपासाला सुरुवात केली. पोलिस तपास करत असताना संशयिताची माहिती पोलिसांना मिळाली व तो नागठाणे परिसरात असल्याची माहिती पोलिसांना मिळाली. त्यानुसार तालुका पोलिसांनी याची माहिती बोरगाव पोलिसांना देण्यात आली. बोरगाव पोलिसांनी परिसरात धाव घेवून पाहणी केली असता संशयित दुचाकीसह सापडला व त्याला ताब्यात घेतले.
पोलीस निरीक्षक निलेश तांबे यांच्या मार्गदर्शनाखाली सपोनि धोंडिराम वाळवेकर, सपोनि विनोद नेवसे, पोलिस मोनाली बोराटे, रामचंद्र गोरे, दादा स्वामी, राजू शिखरे, प्रदिप मोहिते, संदिप पांडव, धीरज पारडे, सुनिल कर्णे, दिपककुमार मांडवे, केतन जाधव यांनी कारवाईत सहभाग घेतला.
