सातारा प्रतिनिधी | सातारा जिल्ह्यातील माण तालुक्यातील दहिवडी येथे महायुतीच्यावतीने आज प्रचाराच्या शेवटच्या दिवशी जाहीर सभा घेण्यात आली. या सभेस भाजप नेते तथा केंद्रीय मंत्री नितीन गडकरी यांनी उपस्थिती लावली होती. यावेळी त्यांनी महाराष्ट्रातील पक्ष फोडाफोडीवर सडेतोड मत मांडलं. मात्र, लगेचच त्यांनी सारसारव करण्याचा प्रयत्न केला.
प्रचारसभेत मंत्री गडकरी म्हणाले की, पश्चिम महाराष्ट्रात अमेरिकन संस्कृती आहे. कोण कुणाशी कधी लग्न करतं, कोण कुणाशी कधी घटस्फोट घेतं, कोण कुठल्या पार्टीत येतं आणि कोण कुठल्या पार्टीत जातं, हेच समजत नाही, असे वक्तव्य गडकरी यांनी केले.
मात्र, विद्यमान परिस्थितीबद्दल बोलत असल्याचे गडकरी यांच्या लक्षात आल्यानंतर त्यांनी स्वतःला सावरले आणि मी महाराष्ट्र सरकारमध्ये होतो, त्यावेळची पण अशीच परिस्थिती होती, असे सांगत आपल्या वक्तव्यावर सारवासारव करण्याचा त्यांनी प्रयत्न केला. परंतु, गडकरींचे वक्तव्य हे महाराष्ट्रातील विद्यमान घडामोडींवरच होतं, हे उपस्थितांच्या चांगलंच लक्षात आले.
काँग्रेसवर केली टीका