सातारा प्रतिनिधी | सातारा जिल्ह्यातील महत्वाचे शहर म्हणून फलटण शहराकडे पाहिले जाते. या शहरातील मध्यवर्ती ठिकाणी न्यू विजय लाँच होम समोरील इमारतीमध्ये मोठ्या प्रमाणावर आग लागल्याची घटना पहाटे पावणे तीन वाजण्याच्या सुमारास घडली. दरम्यान, फलटण नगरपरिषदेच्या अग्निशमन दलाच्या अथक प्रयत्नांनंतर आग आटोक्यात आणण्यात यश आले.
याबाबत अधिक माहिती अशी की, फलटण शहरातील मध्यवर्ती भागात न्यू विजय लाँच होम समोर एक इमारत आहे. आज पहाटेच्या सुमारास या इमारतीमधून धुरांचे लोट बाहेर येत असल्याचे काही नागरिकांनी पाहिले. यानंतर नागरिकांनी याची माहिती तत्काळ अग्निशमन दलाच्या अधिकाऱ्यांना दिली. माहिती मिळाल्यानंतर अग्निशमन दलाचे कर्मचारी घटनास्थळी तत्काळ दाखल झाले. अग्निशमन कर्मचारी व नागरिकांनी इमारतीतील आग आटोक्यात आणली. त्यामुळे इमारतीमधील इतर भागांना आग लागण्यापासून वाचवण्यात यश आले.
या घटनेत कोणतीही जीवितहानी झाली नसली तरी फलटण शहरातील नागरिकांना या घटनेने थोडक्यात धक्का बसला आहे. अग्निशमन दलाच्या तत्परतेमुळे परिस्थिती नियंत्रणात आणण्यात यश आले. या प्रकारच्या घटनांमध्ये अग्निशमन दलाची भूमिका अत्यंत महत्त्वाची ठरली आहे.
