सातारा प्रतिनिधी | सातारा शहरातील शनिवार पेठेतील भंगार व्यावसायिकांमध्ये आर्थिक व्यवहारांवरून वाद निर्माण झाला, ज्याचा परिणाम मारहाणीमध्ये झाल्याची घटना सातारा येथे घडली. या प्रकरणी परस्पर विरोधात फिर्यादीनंतर गुन्हा दाखल करण्यात आला आहे.
याबाबत अधिक माहिती अशी की, भंगार व्यावसायिक युसूफ गफार कच्छी यांनी रमेश गुजर, अभय गुजर आणि अभी गुजर यांच्यावर गुन्हा दाखल केला. या वादाचे मूळ आर्थिक व्यवहारांमध्ये होते ज्यामुळे दोन्ही बाजूंनी एकमेकांवर आरोप ठेवले आहेत. युसूफ गफार कच्छी यांनी शहर पोलिस ठाण्यात फिर्याद दाखल केली आहे.
युसूफ यांनी दिलेल्या फिर्यादीत म्हंटले आहे की, ज्यामध्ये त्यांनी रमेश गुजर, अभय गुजर आणि अभी गुजर यांच्यावर मारहाण केल्याचा आरोप केला आहे. कच्छी यांच्या मते, त्यांना दुकानातील कार्यालयात बोलावून मारहाण केली गेली. दुसरीकडे, रमेश गुजर यांनीही फिर्याद दाखल केली आहे, ज्यामध्ये त्यांनी युसूफ गफार कच्छी आणि दीपक यांच्यावर मारहाण केल्याचा आरोप केला आहे. रमेश यांच्या मते, त्यांना “तू अॅडव्हान्स प्रमाणे माल दिला नाही. माल किंवा पैसे लगेच दे” असे म्हणून मारहाण केली गेली. उपनिरीक्षक राठोड हे प्रकरण तपासत आहेत.
