सातारा प्रतिनिधी । भोर- शिरवळ मार्गावरील उत्रोली – वडगाव ता. भोर येथील रस्त्यावर वडाचे झाड कोसळल्याची घटना आज सकाळी आठ वाजण्याच्या सुमारास घडली. यावेळी तब्बल चार तासापासून शिरवळकडे जाणाऱ्या व भोरकडे येणारी वाहतूक ठप्प झाली आहे.
आज शनिवार, दि. २० रोजी सकाळी आठ वाजण्याच्या सुमारास अर्धवट जाळलेल्या अवस्थेत जळालेले वडाचे झाड उत्रोली-वडगाव जवळ महत्त्वाच्या वाहतुकीचा रस्त्यावर कोसळले. नशीब बलवत्तर म्हणून या कोसळलेल्या झाडाखाली कोणीही वाहन चालक सापडले नाही.
सार्वजनिक बांधकाम विभागाला या घटनेची माहिती देण्यात आली आहे. घटनास्थळाकडे सार्वजनिक बांधकाम विभागाचे कर्मचारी, अधिकारी रवाना झाले आहे. दरम्यान, या मार्गावरील वाहतूक ठप्प झाली आहे.