कराड प्रतिनिधी | कराड तालुक्यातील वसंतगड येथील श्री. चंद्रसेन शिक्षण संस्थेच्या श्री. विठ्ठल गणोजी माने हायस्कूल अँड ज्युनिअर कॉलेजच्या विद्यार्थ्यांनी राष्ट्रीय आर्थिक दुर्बल घटक शिष्यवृत्ती (एनएमएमएस) परीक्षेत यश मिळविले. गुणवत्ता निवड यादीमध्ये 5 विद्यार्थ्यांचा समावेश झाला तर सारथी शिष्यवृत्तीसाठी 22 विद्यार्थी पात्र झाले आहेत.
राष्ट्रीय शिष्यवृत्ती परीक्षेतून गुणवत्ता निवड यादीत आलेल्या विद्यार्थीमध्ये 1) कु. संकपाळ अनुष्का माणिक, 2) कु. कदम श्रेया दत्तात्रय, 3) कु. गुरव सायली दत्तात्रय, 4) कु. काटकर सई अजित, 5) कांबळे श्रेयश सर्जेराव या विद्यार्थ्यांना प्रत्येकी 12000 याप्रमाणे 4 वर्षात 48 हजार शिष्यवृत्ती मिळणार आहे. त्याचबरोबर सारथी शिष्यवृत्तीधारक विद्यार्थ्यांना 9600 प्रमाणे चार वर्षात 38 हजार 400 रुपये शिष्यवृत्ती मिळणार आहे. एकूण शिष्यवृत्ती 10 लाख 84 हजार 800 रु. शिष्यवृत्ती मिळणार आहे.
सर्व यशस्वी विद्यार्थ्यांना सौ.किशोरी लोहार सौ .निलिमा चव्हाण सौ.वेताळ मॅडम श्री . संजय गोतरणे श्री . शिवाजी पाटील यांनी मार्गदर्शन केले.
सर्व यशस्वी विद्यार्थी व शिक्षक यांचे संस्थेचे सचिव श्री रघुनाथराव नलवडे दादा उपाध्यक्ष श्री महिपती कोकरे महाराज तसेच श्री . हणमंतराव नलवडे ॲड . अमित नलवडे श्री . चंद्रकांत पाटील,तानाजी वाघमारे,मुख्याध्यापक दीक्षित सर तसेच सर्व संचालक पालकांनी अभिनंदन केले.
