कराड प्रतिनिधी । कराड तालुक्यातील अन्नाच्या शोधात असलेल्या बिबट्याकडून पाळीव प्राण्यांसह आता नागरिकांवर देखील हल्ले करण्याचे प्रकार केले जात आहेत. कराड आणि पाटण या दोन्ही तालुक्यात वास्तव्यास असलेल्या बिबट्यांकडून हल्ले होत असताना कराड तालुक्यातील सवादेगावच्या शेत शिवारात ज्वारीच्या शेतात वैरण काढत असलेल्या शेतकऱ्यावर दबा धरून बसलेल्या बिबट्याने वयोवृद्ध शेतकऱ्याचा पाठलाग करून हल्ला करण्याचा प्रयत्न केला यामध्ये वृद्ध शेतकरी जखमी झाले.
रामचंद्र यशवंत थोरात (वय ५२) असे जखमी झालेल्या शेतकऱ्याचे नाव आहे. याबाबत घटनास्थळावरून मिळालेली माहिती अशी की, कराड तालुक्यातील सवादे येथील शेतकरी रामचंद्र थोरात हे शनिवारी सायंकाळी सहाच्या सुमारास बिलदरा नावाच्या शिवारात ज्वारीच्या शेतात वैरण काढत होते. त्या वेळी शेतात दबा धरून बसलेला बिचटया पाहिला. पाहताच ते बांधावरून पळताना बिबट्याने त्यांचा पाठलाग करत अंगावरच झेप घेतली, ती चुकविण्यासाठी श्री. थोरात खाली वाकल्यानंतर बांधावर घसरून पडले. त्यामुळे त्यांच्या हाताला गंभीर दुखापत झाली आणि हाताचे हाड मोडले असल्याचे सांगण्यात आले. बिबट्याने हल्ला केल्यानंतर श्री. थोरात यांनी आरडाओरडा केला तेव्हा नजीकच्या शेतात असलेले शेतकरी तातडीने धावत तिथे आले, त्यांनी बिबट्याला पळवून लावले.
दरम्यान, बिलदरा शेतात मादी बिबट्या व पिल्लाचे सातत्याने दर्शन होत असून, दोनव महिन्यांपूर्वी महंमद सी व तुकाराम वाकुर्डे हे गाडीवरून कर असताना त्यांच्या गाडीचा पाठलाग करत वाकुर्डे यांना गंभीर जखमी केले. त्यानंत काही दिवसांतच त्याने पुन्हा श्री. चौरम यांच्यावर हल्ला करून या विमानात आपले अस्तित्व असल्याचे अपरिचित केले. घटनेची माहिती मिळताच वनविभागाचे वनरक्षक कदम यांनी घटनास्थळी भेट देऊन श्री. थोरात यांना रुग्णालयात उपचारासाठी पाठवडे त्यांच्यावर उंडाळे येथील ग्रामीण रुग्णालयात उपचार सुरू आहेत.
