सातारा प्रतिनिधी | रायगाव (ता. सातारा) हद्दीत महामार्गावर धोकादायकरीत्या उभ्या केलेल्या कंटेनरला कारची पाठीमागून धडक बसली. या घटनेत कारचालकाचा मृत्यू झाला असून, दोघे जखमी झाले आहेत. दिलीप भास्कर सातपुते (वय २९, रा. नागोळे, ता. कवठेमहांकाळ, जि. सांगली), सुरेखा अशोक होलमुखे (वय ४७, रा. करवडी, ता. सातारा) अशी गंभीर जखमींची नावे आहेत.
कारचालक दिलीप भास्कर सातपुते याचा मृत्यू झाला आहे. त्यांचा भाऊ नितीन भास्कर सातपुते (वय २८, रा. नागोळे, ता. कवठेमहांकाळ, जि. सांगली) याने याबाबत फिर्याद दिली आहे.
त्यानुसार कंटेनर चालक सूरज बमभोला पाल (वय २१, उत्तर प्रदेश) याच्यावर तालुका पोलिस ठाण्यात गुन्हा दाखल झाला आहे. सहायक पोलिस निरीक्षक मार्डे तपास करत आहेत.
