सातारा प्रतिनिधी । राजधानी साताऱ्यातील ऐतिहासिक गोडोली तलावात बसवण्यात येणाऱ्या 27 फूटी उंच व भव्य अशा छत्रपती संभाजी महाराजांच्या पूर्णाकृती पुतळ्याच्या कामाची पाहणी छत्रपती संभाजी महाराज स्मारक प्रतिष्ठान च्या सर्व सदस्यां समवेत पुण्यात जाऊन केली. यावेळी प्रतिष्ठानचे अध्यक्ष खासदार श्रीमंत छत्रपती उदयनराजे भोसले (Chhatrapati Udayanraje Bhonsle), प्रतिष्ठानचे उपाध्यक्ष हरीश पाटणे व सदस्यांनी कामाबाबत शिल्पकारांना मौलिक सूचना केल्या. तसेच सुरु असलेल्या कामांबाबत समाधान व्यक्त करून पुतळा उभारणी कामी सर्व ती खबरदारी घेण्याच्या कार्यकर्त्यांना सूचना केल्या.
यावेळी श्रीमंत छत्रपती संभाजी महाराज स्मारक समितीचे श्री.शरद काटकर, श्री.काका धुमाळ, सातारा नगरपालिकेचे माजी उपनगराध्यक्ष श्री किशोर शिंदे, श्री मनोज शेंडे, श्री.संग्राम बर्गे, माजी नगरसेवक श्री अमित कुलकर्णी, अॅड श्री विनित विलास पाटील, श्री.गोलू साळुंखे, श्री.इर्शाद बागवान, श्री.सुजित जाधव, श्री.अमोल तांगडे, श्री.अभिजित बारटक्के, श्री.अजिंक्य गुजर, सातारा नगरपालिकेचे श्री चिद्रे, मूर्तिकार श्री संजय परदेशी, श्री.शैलेश वरखडे व शिव भक्त यावेळी उपस्थित होते.
स्वराज्यरक्षक छत्रपती संभाजी महाराज यांचा पूर्णाकृती पुतळा गोडोली तळे परिसरात उभारण्यात येणार आहे. अत्यंत आकर्षक असलेली पुतळ्याची प्रतिकृती फायबरपासून बनविण्यात आलेली आहे. या प्रतिकृतीची शासनाच्या कला संचालनालयाकडून पाहणी केली जाणार आहे. त्यानंतर त्यास अंतिम मान्यता दिली जाणार आहे. सातारा नगरपालिका, छत्रपती संभाजी महाराज स्मारक प्रतिष्ठान व नगरवासीयांच्या वतीने गोडोली तळे येथे छत्रपती संभाजी महाराज यांचा २५ फूट उंच पुतळा उभारण्यात येणार आहे.
हा पुतळा कसा असावा, हे समजण्यासाठी पुतळ्याची सर्वप्रथम छोटी तिकृती तयार करण्यात आली होती. हे काम पुणे येथील शिकार संजय परदेशी यांना देण्यात आले. प्रतिकृती तयार झाल्यानंतर ती अवलोकन करण्यासाठी साताऱ्यात आणण्यात आली. यावेळी राजमाता कल्पनाराजे भोसले व खासदार उदयनराजे यांनी या प्रतिकृतीची पाहणी करून योग्य तो बदल करण्याच्या सूचना केल्या. यानंतर परदेशी यांनी सर्व बदल करून संभाजी महाराज यांचा फायबरपासून २५ फूट उंच पुतळा तयार केला आहे.
